वडा नं. ४ – गुल्मी बलेटक्सार काठमाण्डौ समाज

परिचयः

गुल्मी जिल्ला रुरुक्षेत्र गाउँपालिका वडा नं ४ (साविक बलेटक्सार गाउँ बिकास समिति) मा विगतमा वा हाल स्थायी बसोवास भई हाल काठमाण्डौ उपत्यकाभित्र स्थायी वा अस्थायी रूपमा बसोवास गरी आएका व्यक्ति एवम् समुदायहरूबिच आपसी भाइचाराको बिकास र पारस्परिक सहयोगको माध्यमबाट आत्मीय सम्बन्धलाई थप सुदृढ बनाउन जन्मभूमिप्रतिको कर्तव्य वोध गर्दै सामाजिक, सांस्कृतिक पक्षको संरक्षण र संबर्द्धन तथा समुदायका बिचमा आपसी सहयोग, सहकार्य र समन्वय वृद्धि गर्ने र उक्त क्षेत्रको आर्थिक तथा सामाजिक बिकासमा समेत सहयोग पुर्याउने उद्देश्यले बलेटक्सारबाट काठमाण्डौ आई वसोवास गरिरहेका महानुभावको भेलाबाट गुल्मी बलेटक्सार काठमाण्डौ समाज नामको विशुद्ध गैर-राजनीतिक र गैरनाफामूलक संस्थाको स्थापना गरिएको हो।

स्थापनाः

तदर्थ समितिः २०७९

कार्यसमितिः २०८१ भाद्र २९

समाजको उद्देश्यः

• गुल्मी साविक बलेटक्सार गा.वि.स.बाट काठमाण्डौ उपत्यकामा स्थायी/अस्थायी वसोवास गर्दै आएका व्यक्ति/समुदायहरूबिच सम्पर्क र सदभाव कायम गर्ने,
• आपसी सहयोग आदान प्रदान गर्ने,
• कला संस्कृति तथा रीतिरिवाजको सरक्षण र प्रवर्द्धन गर्ने,
• जन्मभूमि प्रतिको कर्तव्य वोध गर्दै सामाजिक तथा आर्थिक बिकासका कार्यहरूमा समन्वय गर्ने,
• समाजलाई सुखदुखको चौतारीको रूपमा विकसित गर्दै जाने।